हिन्दी, इंग्लिश और उर्दू में कवाग़िज़ के अर्थदेखिए

کواغذ ’’کاغذ‘‘ عربی میں نہیں ہے لیکن اردو فارسی والوں نے عربی کے قیاس پراس کی جمع ’’کواغذ‘‘ بنالی۔ آج کل یہ لفظ کم مستعمل ہے، لیکن غلط بہر حال نہیں ہے۔ عربی میں غلط ہوسکتا ہے، لیکن اردو فارسی میں بالکل درست ہے۔ جو لوگ ’’کواغذ‘‘ کو غلط سمجھتے ہیں انھیں خیال کرنا چاہئے کہ پھر تو ’’کاغذات‘‘ بھی غلط ہونا چاہئے۔ لیکن اردو میں سب ہی اسے استعمال کرتے ہیں۔ فارسی میں اصل لفظ ’’کاغد‘‘ تھا، لیکن اب ’’کاغذ‘‘ ہی رائج ہے۔ ’’فرہنگ آنند راج‘‘ میں’’کاغد‘‘ درج ہے، لیکن سارے مرکبات ’’کاغذ‘‘ کے ساتھ لکھے گئے ہیں، مثلاً ’’کاغذاطفال‘‘ اور’’کاغذ باد‘‘، بمعنی ’’پتنگ‘‘، ’’کاغذ برَی‘‘، بمعنی ’’حساب میں کمی یا خیانت کرنا‘‘، وغیرہ۔ ’’کاغذ‘‘ کے قدیم اور صحیح ہونے کا ایک ثبوت یہ ہے کہ پورب کی بولی میں’’کاغذ‘‘ کی جگہ ’’کاگد‘‘ اب بھی رائج ہے۔

ماخذ: لغات روز مرہ    
مصنف: شمس الرحمن فاروقی