हिन्दी, इंग्लिश और उर्दू में तहनीद के अर्थदेखिए

اسم، مؤنث

• کسی بیرونی زبان کے لفظ کو ہندوستانی زبان یعنی اُردو یا ہندی کے انداز پر ڈھال لینا یا اپنا لینا، کسی عیر زبان کے لفظ کو اُردو یا ہندی بنا لینا جو لفظاً یا معناً کئی طرح پر ممکن ہے جیسے انْگریزی لارڈ سے لاٹ یا افراط و تفریط سے افراتفری وغیرہ .
• ۔(ع) مونث۔کسی غیر زبان کے لفظ کو ہندی بنا لینا۔ جیسے فارسی ’دُبل‘ سے ’ڈھول‘ انگریزی ’لارڈ‘ سے ’لاٹ‘۔ تہنید کئی طرح کی ہوتی ہے۔ ایک یہ کہ دوسری زبان کے لفظ کو لفظاً ومعناً دونوں طرح بدلیں جیسے ’افراتفری‘ کہ اصل میں ’افراط تفریط‘ تھا اور اردو میں بمعنی ’ہلچل‘ ہے۔ دوسرے صرف لفظ کو بدل دینا جیسے ’پلید‘ سے ’پلیت‘۔ تیسرے صرف معنوں کو بدلیں۔ جیسے ’روزگار‘ فارسی میں ’زمانہ‘ اُردو میں ’نوکری‘۔ چوتھے حرکات کو بھی بدل دیں اور معنوں کو بھی۔ جیسے ’مشّاطہ‘ عربی میں مبالغہ کا صیغہ۔ اردو میں ’مشاطہ‘ بغیر تشدید دوم۔ وہ عورت جو زن و مرد کی نسبت ٹھہرائے اور شادی کرائے۔ پانچویں جمع سے واحد کے معنی لیں جیسے ’اصول احوال۔‘ چھٹے دوسری زبان کے مادّہ ہائے الفاظ سے ایسے صیغے بنانا جو اُس زبان میں مستعمل نہ ہوں۔ جیسے ’عفو‘ اور ’عتاب‘ سے ’معاف‘ اور ’معتوب‘۔ جو لفظ ہندی صورت اختیار کرے’ اُس کو ’’مُہَنّد‘‘ کہتے ہیں۔