وضاحتی تصویر
کیا آپ کے پاس کوئی تصویر ہے جو اس لفظ کی بہتر ترجمانی کر سکے؟
اگر ہاں، تو اسے یہاں اپلوڈ کیجیے تاکہ اس لفظ کے معنی مزید اجاگر ہو سکیں۔ مزید جانیے
تلاش شدہ نتائج
محفوظ شدہ الفاظ
"نازُک" کے متعقلہ نتائج
اردو، انگلش اور ہندی میں نازُک کے معانیدیکھیے
نازُک کے اردو معانی
صفت
- دبلا پتلا ، ورق سا ، ہلکا ، کم وزن
- (مجازاً) کومل ، کامنی ، نزاکت بھری ۔
- مراد : محبوب ، معشوق ۔
- مشکل ،کٹھن ، دشوار ، اہم ، دقت طلب ، پیچیدہ ۔
- خطرناک ، پُر خطر ، احتیاط کا متقاضی ، ہوشیاری کا طالب
- کمزور ، ضعیف ، بودا ۔
- نفیس ، عمدہ ، قابل ِتعریف ، ُپرلطف ، لطیف
- باریک ، مہین ۔
- مراد : تہ تک پہنچنے والا ، گہرائی میں جانے والا
- ناز پروردہ ، عیش و عشرت میں پلا ہوا ۔
- حساس ، ذکی ا لحس ، جلد اثر قبول کرنے والا ، ذرا سی بات پر ُبرا مان جانے والا ، ُزود رنج ۔
- ۔ خراب ، ابتر ، گرا ہوا ، زار ، خستہ ۔ یوں سننا سو کیا نازک حال ہے ۔
- ۔ (ف) خوبصورت۔ نرم۔ پَتلا جو بھدا نہ ہو) صفت۔۱۔ لطیف۔ نفیس۔ جیسے ناز کخیال ۲۔ ہلکا۔ پھلکا۔ دبلا۔ پَتلا۔ جیسے ناز کبدن۔ ۳۔ کمزور۔ بودا۔ (فقرہ) شیشہ کا قلمدان بہت نازک ہوتا ہے۔ ۴۔ بارےک۔ دقیق۔ وقت طلب۔ جیسے نازک معامل۔ ۵۔ تیز۔ تند۔ تنک جیسے نازک مزاج۔ ۶۔ خطرناک۔ پیچیدہ۔ ؎
اسم، مذکر
- ایسا دل جو سختی کو برداشت نہ کرسکے
وضاحتی ویڈیو
شعر
آپ کی نازک کمر پر بوجھ پڑتا ہے بہت
بڑھ چلے ہیں حد سے گیسو کچھ انہیں کم کیجئے
لے سانس بھی آہستہ کہ نازک ہے بہت کام
آفاق کی اس کارگہ شیشہ گری کا
تشریح
اسی مضمون کو انہیں پیکروں کے ساتھ دیوان اوّل میں ایک جگہ اور لکھا ہے؎
ہر دم قدم کو اپنے رکھ احتیاط سے یاں
یہ کارگاہ ساری دکان شیشہ گر ہے
لیکن ’’لے سانس بھی آہستہ۔۔۔‘‘ بہت بہتر شعر ہے، کیونکہ اس میں ’’سانس‘‘ کا لفظ شیشہ گری سے خاص مناسبت رکھتا ہے۔ (پگھلے ہوئے شیشے کو نلکی کے سرے پر رکھ کر پھونکتے ہیں اور اس طرح اسے مختلف شکلیں دیتے ہیں۔) زور کی ہوا چلے تو شیشے کی چیزیں گر کر یا آپس میں ٹکرا کر ٹوٹ جاتی ہیں، اور آفاق کی کارگاہ شیشہ گری میں ایسے نازک کام ہوتے ہیں کہ تیز سانس بھی ان کے لئے زور کی ہوا کا حکم رکھتی ہے۔ ’’ہردم قدم کو اپنے‘‘ میں لفظ ’’دم‘‘ کے ذریعہ سانس کی طرف اشارہ کیا ہے، اور ’’دم قدم‘‘ میں بھی ایک لطف ہے، لیکن یہ دونوں چیزیں ’’لے سانس بھی آہستہ‘‘ کے برابر بلاغت کی حامل نہیں ہیں۔ شعر کا مفہوم یہ ہے کہ صاحب نظر کائنات کو دیکھتا ہے تو اس کی رنگا رنگی اور پیچ در پیچ نزاکت کو دیکھ کر حیرت میں آ جاتا ہے۔ ہر چیز انتظام سے چل رہی ہے، کہیں کوئی انتشار نہیں، معلوم ہوتا ہے کوئی بہت ہی نازک اور پیچیدہ کارخانہ ہے۔ صاحب نظر کو محسوس ہوتا ہے کہ اگر زور کی سانس بھی لی تو یہ سب درہم برہم ہوجائے گا۔ یا شاید یہ سب کچھ ایک خواب ہے، جو ذرا سے اشارے پر برہم اور منتشر ہوسکتا ہے۔ اقبال کا مندرجہ ذیل شعر میر کے شعر زیر بحث سے براہ راست مستعار معلوم ہوتا ہے۔ لیکن اقبال کا شعر غیر ضروری وضاحت اور خطابیہ انداز بیان کے باعث ناکام ٹھہرتا ہے؎
زندگی کی رہ میں چل لیکن ذرا بچ بچ کے چل
یہ سمجھ لے کوئی مینا خانہ باردوش ہے
(بانگ درا۔ حصہ سوم)
اقبال کے شعر پر قائم چاند پوری کے ایک شعر کا بھی پرتو نظر آتا ہے۔ ممکن ہے قائم نے بھی میر سے استفادہ کیا ہو، قائم؎
یہ دہر ہے کار گاہ مینا
جو پاؤں رکھے سویاں تو ڈر کر
میر کے شعرِ زیر بحث اور قائم کے مندرجہ بالا شعر پر میں نے ’’شعر غیر شعر اور نثر‘‘ میں بھی کچھ اظہار خیال کیا ہے۔ قائم نے ایک اور جگہ میرسے ملتا جلتا مضمون باندھا ہے؎
غافل قدم کو رکھیو اپنے سنبھال کر یاں
ہر سنگ رہگذر کا دکان شیشہ گر ہے
یہاں قائم کا خطابیہ لہجہ شعر کے زور میں مخل ہے اور مصرع ثانی کا انکشافی انداز بھی لفظ ’’غافل‘‘ کو سنبھالنے کے لئے ناکافی ہے۔
نثار احمد فاروقی نے یہ نکتہ پیدا کیا ہے کہ اگر اس شعر کو تصوف پر محمول کیا جائے تو اس میں ’’پاس انفاس‘‘ اور ’’ہوش دردم‘‘ کے اشارے دیکھے جا سکتے ہیں۔ لیکن یہ نکتہ دورازکار معلوم ہوتا ہے کیوں کہ پاس انفاس اور ہوش دردم صوفیانہ افکار و اعمال ہیں، ان کے حوالے سے آفاق کے کاموں کا نازک ہونا نہیں ثابت ہوتا۔
شمس الرحمن فاروقی
دیکھنا اچھا نہیں زانو پہ رکھ کر آئنہ
دونوں نازک ہیں نہ رکھیو آئنے پر آئنہ
English meaning of naazuk
नाज़ुक के हिंदी अर्थ
विशेषण
- कोमल। सुकुमार।
- कोमल, कामनी, कमज़ोर, दुर्बल
- पतला। बारीक। महीन।
- कोमल; सुकुमार; मृदु
- मृदुल, मुलाइम, कोमल, नर्म, सूक्ष्म, लतीफ़, हलका-फुलका, बोदा, कमज़ोर, गूढ़, दक़ीक़, पेचदार, उलझा हुआ, दुबला-पतला, तीव्र, तेज़।
- जो जल्दी टूट जाए या नष्ट हो जाए; कमज़ोर
- महीन; बारीक
- {ला-अ.} मार्मिक; गूढ़; गंभीर।
نازُک کے مترادفات
حوالہ جات: ریختہ ڈکشنری کی ترتیب میں مستعمل مصادر اور مراجع کی فہرست دیکھیں ۔
رائے زنی کیجیے (نازُک)
نازُک
تصویر اپلوڈ کیجیے مزید جانیے
نام
ای-میل
ڈسپلے نام
تصویر منسلک کیجیے
تصویر منتخب کیجیے
(format .png, .jpg, .jpeg & max size 4MB and upto 4 images)
Delete 44 saved words?
کیا آپ واقعی ان اندراجات کو حذف کر رہے ہیں؟ انہیں واپس لانا ناممکن ہوگا۔
