Meaning ofSee meaning soyaa in English, Hindi & Urdu

sūraj lihāf oḌh ke soyā tamām raat

sardī se ik parinda darīche meñ mar gayā

suraj lihaf oDh ke soya tamam raat

sardi se ek parinda dariche mein mar gaya

bechain is qadar thā ki soyā na raat bhar

palkoñ se likh rahā thā tirā naam chāñd par

bechain is qadar tha ki soya na raat bhar

palkon se likh raha tha tera nam chand par

niiñd kā halkā gulābī sā ḳhumār āñkhoñ meñ thā

yuuñ lagā jaise vo shab ko der tak soyā nahīñ

nind ka halka gulabi sa KHumar aankhon mein tha

yun laga jaise wo shab ko der tak soya nahin

tark-e-ta.alluqāt pe royā na tū na maiñ

lekin ye kyā ki chain se soyā na tū na maiñ

tark-e-talluqat pe roya na tu na main

lekin ye kya ki chain se soya na tu na main

phir is tarah kabhī soyā na is tarah jaagā

ki ruuh niiñd meñ thī aur jāgtā thā maiñ

phir is tarah kabhi soya na is tarah jaga

ki ruh nind mein thi aur jagta tha main