تلاش شدہ نتائج
محفوظ شدہ الفاظ
"اَبابِیْل" کے متعقلہ نتائج
اردو، انگلش اور ہندی میں اَبابِیْل کے معانیدیکھیے
اَبابِیْل کے اردو معانی
اسم، مؤنث، واحد
- سیاہ پر اور سفید سینے کی چھوٹی سی چڑیا، پرانے گنبدوں، مسجدوں، کھنڈروں اور تاریک عمارتوں میں گارے سے پیالے کی طرح کا گھونسلا بنا کر رہتی اور اسے نرم نرم پروں یا روئی سے سجاتی، غول در غول نکلتی، فضا میں چکر لگاتی اور اڑتے ہی میں ہوائی کیڑے کھاتی ہے
شعر
اک طرف اڑتے ابابیل اک طرف اصحاب فیل
اب کے اپنے کعبۂ جاں کا مقدر دیکھنا
تب خدا کی کسی حکمت پہ یقیں آتا ہے
جب ابابیل بھی عرفات میں آ جاتے ہیں
بوند بھی تشنہ ابابیل پہ نازل نہ ہوئی
ورنہ بادل تو بلندی سے اتر آیا تھا
English meaning of abaabiil
Noun, Feminine, Singular
- swallow, a black bird
अबाबील के हिंदी अर्थ
संज्ञा, स्त्रीलिंग, एकवचन
- एक प्रसिद्ध काली और छोटी चिड़िया, जो उजाड़ मकानों में रहती है, भांडकी
اَبابِیْل سے متعلق دلچسپ معلومات
ابابیل اول مفتوح، یائے معروف۔ یہ لفظ جمع اور مؤنث ہے لیکن اردو میں واحد کی طرح بولتے ہیں۔ نذیر احمد کی ’’توبۃ ا لنصوح‘‘ میں ہے: اس مکان میں ابابیلوں کی بھی کثرت ہے، روشنی دیکھ کر گرنے شروع ہوں گے اورآپ کا بیٹھنا دشوار کردیں گے۔ اس لحاظ سے ’’ابابیل‘‘ مذکر ٹھہرتا ہے۔جناب عبد الرشید نے متوجہ کیا ہے کہ ’’آصفیہ‘‘ اور ’’نور‘‘ میں یہ لفظ مؤنث ہی درج ہے، لہٰذا اس کی جنس کو مختلف فیہ قرار دینا چاہئے۔ لیکن مجھے ایک خیال یہ بھی آتا ہے کہ ممکن ہے نذیر احمد نے ’’گرنی شروع ہوں گی ‘‘ لکھنا چاہا ہو لیکن پرانے لوگوں کے عام طریقے کے موافق بڑی ے (گرنے/ہوں گے) لکھ کر چھوٹی ی مراد لی ہو۔ موجودہ صورت میں یہ کہنا چاہئے کہ ’’ابابیل‘‘ کو بعض لوگ مذکر اور اکثر لوگ مؤنث قرار دیتے ہیں۔ لیکن اگر یہ مذکر ہے تو اس کا مؤنث کچھ نہیں، اور اگر مؤنث ہے تو اس کا مذکر کچھ نہیں۔ جناب شاہ حسین نہری نے مطلع کیاہے کہ’’ابابیل‘‘ کو دکن میں بھی جمع مؤنث بولتے ہیں۔ دیکھئے، ’’تانیث سے عاری نام، جانوروں کے‘‘، دیکھئے، ’’تذکیر سے عاری نام، جانوروں کے‘‘۔
ماخذ: لغات روز مرہ
مصنف: شمس الرحمن فاروقی
حوالہ جات: ریختہ ڈکشنری کی ترتیب میں مستعمل مصادر اور مراجع کی فہرست دیکھیں ۔
رائے زنی کیجیے (اَبابِیْل)
اَبابِیْل
تصویر اپلوڈ کیجیے مزید جانیے
نام
ای-میل
ڈسپلے نام
تصویر منسلک کیجیے
Delete 44 saved words?
کیا آپ واقعی ان اندراجات کو حذف کر رہے ہیں؟ انہیں واپس لانا ناممکن ہوگا۔