اردو، انگلش اور ہندی میں چِیُوْنٹا کے معانیدیکھیے

چینوٹا/چیونٹا عام طور پر زبانوں پر بروزن فع لن ہے، لیکن دہلی میں بر وزن فاعلن بولتے ہیں۔اسے دہلی کا علاقائی تلفظ کہنا چاہئے۔’’چینٹا‘‘ بر وزن فع لن بھی رائج ہے۔پورب میں ’’چونٹا‘‘ بروزن فع لن بھی سنا جاتا ہے۔ اسے پورب کا مقامی تلفظ کہنا چاہئے۔املا کے اعتبار سے ’’چیونٹا‘‘آج کل زیادہ رائج ہے۔ چینوٹی/چیونٹی دہلی میں بر وز ن فاعلن بولتے ہیں، لیکنیہ تلفظ دہلی کا علاقائی تلفظ ہے۔ عام بول چال میںیاے مخلوط کے ساتھ بر وزن فع لن ہے۔ ’’چینٹی‘‘ بر وزن فع لن بھی بولتے ہیں۔ پورب میں ’’چونٹی‘‘ بر وزن فع لن بولتے ہیں۔ میر نے بھی باندھا ہے ؎ ہم عاجزوں کا کھونا مشکل نہیں کچھ ایسا کچھ چونٹیوں کو لے کر پائوں تلے مل ڈالا لیکن اب یہ تلفظ پورب کا علاقائی تلفظ ہی کہا جائے گا۔اس لفظ کا ایک املا ’’چیونٹی‘‘ بھی ہے، بر وزن فع لن۔املا کے اعتبار سے ’’چیونٹی‘‘ ان دنوں زیادہ رائج ہے۔

ماخذ: لغات روز مرہ    
مصنف: شمس الرحمن فاروقی