Meaning ofSee meaning laam in English, Hindi & Urdu

اسم، مذکر، لاحقہ، سابقہ

• تلفّظ ”لام“ ہے ، اُردو حروفِ تہجّی کا تینتالیسواں ، عربی کا تیئیسواں اور فارسی کا ستائیسواں حرفِ صحیح (مصمت) اور حرفِ مذلقہ یعنی کنارۂ زبان سے ادا ہونے والے حرفوں میں سے ایک ہے جس کے ادا کرنے میں زبان کا اگلا بالائی حصّہ سامنے کے اوپر کے دو دان٘توں سے قدرے اوپر کے گوشت سے ملتا ہے ؛ کلمات کے شروع میں بھی آتا ہے اور درمیان و آخر میں بھی جیسے : لوگ قلم ، مال وغیرہ جمل کے حِساب سے تیس (۳۰) عدد کا قائم مقام ؛ قرآن پاک میں حروفِ مُقَطّعات میں بھی شامل جیسے : الم حرفِ شمسی و حرفِ جار ہے - اردو کے مصادرِ لازم میں دوسرے حرف کے بعد تعدیے کے لیے مستعمل ، جیسے : پینا سے پلانا ، جینا سے جلانا ؛ مصادرِ متعدی میں تعدیے سے پہلے تعدیے کی تاکید کے لیے مستعمل ، جیسے : دِکھانا سے دکھلانا ، بٹھانا سے بٹھلانا ، کبھی کبھی فارسی الفاظ میں راے مہملہ یا کافِ عربی سے بدل جاتا ہے ، جیسے : الوند سے اروند (= ہمدان کا مشہور پہاڑ) ، تلول سے تلوک (= جوان گائے یا گدھا) ، تنبول سے تنبوک (کمان) کبھی لفظ کے آخر میں علامتِ صفت کے طور پر آتا ہے ، جیسے : بوجھل ، کٹھل وغیرہ میں ؛ (مجازاً) فعل لازم اور شوّال کا مخفف اور محبوب کی زلف کے لیے بھی بطور علامت مستعمل .
• لیے ، واسطے ، برائے ، جیسے : لِلہ ، لہٰذا ، لغایت وغیرہ میں .
• ۱. وصفیت کے معنی میں ، جیسے : بوجھل ... توندل ... وغیرہ .
• ۲. (حروفِ مصوت کے بعد) اسمیت کے معنوں میں ، جیسے : دیکھ بھال ، میل جول ، بول چال وغیرہ .