اردو، انگلش اور ہندی میں اُمَنڈنا کے معانیدیکھیے

امنڈنا عام رواج یہ ہے کہ ’’امڈنا/امنڈنا‘‘ کی جن تصریفی شکلوں میں حرف دوم ساکن ہے، وہ سب ’’امڈنا‘‘ کی شکلیں ہیں۔ (۱) فانی (۲) شاہ مبارک آبرو؎ آنسو تھے سو خشک ہوئے جی ہے کہ امڈا آتا ہے دل پہ گھٹا سی چھائی ہے کھلتی ہے نہ برستی ہے لبریز ہو انکھوں سیں امڈا ہے آج برکا عاشق نے آونا سن آنگن تمام چھرکا اگر حرف دوم کو متحرک رکھنا ہے تو ’’امنڈ/امنڈنا‘‘ کہتے ہیں۔ وزن کے اعتبار سے دونوں میں کوئی فرق نہیں۔ یعنی’’امنڈ‘‘ مع نون غنہ بروزن فعول نہیں ہے۔ نظیراکبرآبادی ؎ جھڑ کر رہی ہیں جھڑیاں نالے امنڈ رہے ہیں برسے ہے مینھ سراسر بادل گھمنڈ رہے ہیں بالفاظ دیگر، ’’گھٹا امنڈ رہی ہے‘‘ بہتر ہے، اور ’’گھٹا امڈی ہے‘‘ بہتر ہے۔ امید یہ لفظ آج کل عموماً دو طرح بولا جا تا ہے۔ بروزن فعول: اول مضموم، میم مخفف، یائے معروف [بروزن معید] بروزن مفعول: اول مضموم، میم مشدد، یائے معروف [بر وزن خور شید] اکثر دیکھا گیا ہے کہ ایک ہی شخص اپنی سہولت یا فقرے کی ضرورت کے اعتبار سے کبھی مندرجہ بالا میں سے ایک تلفظ استعمال کرتا ہے اور کبھی دوسرا۔ لیکن اس لفظ کے کئی اور تلفظ بھی ہیں، اور سب صحیح ہیں اگر چہ ان میں سے کوئی تلفظ اب کم مستعمل ہے، اور کوئی بہت کم۔ بروزن فعول: اول مضموم، میم مخفف مفتوح، یائے مجہول [بروزن عبید] بروزن مفعول: اول مضموم، میم مشدد مفتوح، یائے مجہول [بر وزن مقیش] بروزن فعول: اول مضموم، میم مخفف، مکسور، یائے مجہول [بر وزن نوید] ان میں سے کئی تلفظ فارسی میں نہیں ہیں۔ اردو میں کم لفظ ایسے ہیں جن کا تلفظ اتنا لچک دار ہو۔ دیکھئے، ’’توقع‘‘، دیکھئے، ’’زمرد‘‘۔

ماخذ: لغات روز مرہ    
مصنف: شمس الرحمن فاروقی