Meaning ofSee meaning ye in English, Hindi & Urdu

ضمیر، اسم، مؤنث

• یاے معروف علامتِ تانیث ہے اُردو میں یائے معروف لاحقۂ تانیث بھی ہے مثلاً لڑکا سے لڑکی ، بیٹا سے بیٹی ، لمبا سے لمبی ، بندا سے بندی ، شہزادہ سے شہزادی یائے معروف کسی اسم کے آخر میں آ کر نسبت کا مفہوم پیدا کرتی ہے مثلاً پاکستان سے پاکستانی ، ایران سے ایرانی ، شام سے شامی ، بنگال سے بنگالی اسی طرح پنجابی ؛ بخاری ، کتابی ، دینی وغیرہ ’’ ی ‘‘ علامتِ نسبت ضمیر متکلم مثلاً سیّدی ، استاذی ، علیٰ ہذالقیاس ’’ ی ‘‘ علامت اسمیت ہے : مثلاً چوری ، گرمی ، آشنائی ، بُرائی ’’ ی ‘‘ علامت ظرفیت ہے : اچاری ’’ی‘‘ علامت وصفیت ہے : پنچائیت سے پنچائتی ، تجارت سے تجارتی ، صنعتی (عربی میں تائے مصدری نسبت کے وقت حذف ہو جاتی ہے ؛ جیسے : ہجری میں لیکن اُردو میں یہ قید نہیں) ’’ ی ‘‘ علامت اسمیت اور وصفیت ہے : آب سے آبی ، افطار سے افطاری ’’ ی ‘‘ علامتِ آلہ ہے : پھانسنا سے پھانسی ، تھاپی ، دھنکی ’’ ی‘‘ فاعلیت کا مفہوم بھی دیتی ہے مثلاً تیلی ، دھوبی ، فریبی ’’ ی ‘‘علامتِ جمع ہے مثلاً : لڑکا سے لڑکے ، حقّا سے حُقّے ، بچّہ سے بچّے ، راستہ سے راستے کبھی ان اسمائے مذکر کی جمع کے لیے بھی لائی جاتی ہے جن کے آخر میں لفظ واں ہو ؛ جیسے : جھانواںسے جھانویں ، کنْواں سے کنْویں ’’ی‘‘ علامت تصغیر بھی ؛ جیسے : ٹوکرا سے ٹوکری ، پہاڑ سے پہاڑی ’’ی‘‘ علامت حاصل مصدر ہے ان مصادر کی جن میں علامت مصدرنا سے پہلے الف نہیں ہے ؛ جیسے : جھڑکی ، جھپکی ، تھپکی ، ہنسی ، لگی ،لپٹی امالہ کے لیے بھی ’’ے ‘‘ آتی ہے ؛ جیسے : ایک لڑکے نے راستے میں ایک کتے کو ڈنڈے سے مارا وحدت اورتنکیر کے لیے بھی ’’ے ‘‘ آتی ہے ؛ جیسے : شخصے (ایک شخص ، کوئی شخض) ، وزیرے چنیں شہریارے چناں
• اُردو حروفِ تہجّی کا (۵۲) باونواں اور عربی کا اٹھائیسواں حرف جس کی اکیلی حالت میں دو شکلیں ہیں : چھوٹی ے (ی) اور بڑی ے (ے) ۔ چھوٹی ے یائے معروف اور بڑی ے یائے مجہول کہلاتی ہے ۔ بڑی ے اُردو کا ۵۳ واں ترپنواں حرفِ تہجی ہے ۔ حساب جمل اور ابجد میں اس کے عدد دس فرض کیے گئے ہیں۔ جنتری میں سیارہ مشتری کو ظاہر کرتا ہے اور برج دلو کا نشان ہے ، عربی اور فارسی میں اسے یا اور اُردو میں ے (YE) کہتے ہیں ، ے حروفِ علت میں سے تیسرا حرف ہے ، اس کو یائے مثنیات اور یائے تحتانیہ بھی کہتے ہیں۔ یہ حرف فارسی اور عربی میں اپنے اپنے مقام اور موقعے کے لحاظ سے کبھی وسط ، کبھی آخر اور کبھی اوّل لکھا جاتا ہے۔ یاے معروف بطور مصوتہ ایک ہی حرکت کے لیے مخصوص کر دی گئی ہے یعنی جو لفظ ’’بی بی‘‘ میں پائی جاتی ہے ۔
• بڑی ے کو اب دو حرکات کے لیے استعمال کیا جاتا ہے یعنی مجہول اور لین ؛ جیسے : میرے (مجہول) اور مَے ، ہَے (لین) لیکن بعض لوگوں نے دونوں شکلوں کو یکساں تینوں حرکت کے لیے استعمال کیا ہے ۔ لفظ کے شروع اور بیچ میں یہ دو تحتی نقطوں سے شناخت کی جا سکتی ہے اس لیے اس کو یائے تحتانی بھی کہتے ہیں ۔
• حرف ’’ ی ‘‘ بطور حرف صحیح یا مصمتہ پوری شکل میں صرف چھوٹی (ی) کتابت میں آتی ہے مثلاً حیّی و قیّوم معروف ، لین اور مجہول آوازوں کے شوشے یکساں ہیں صرف علامت کے ذریعے ان کی آوازوں کو واضح کیا جا سکتا ہے ؛ جیسے : مِیر (ی معروف) میرا (ی مجہول) اَیسا (ی لین) ۔